"Қизил-кўклар" расмий сайти клуб 33 ёшли Лукаш Скорупски билан шартномани яна бир мавсумга, яъни 2026 йилнинг июнь ойи охиригача узайтириш вариантидан фойдалангани ҳақида хабар берди.
Скорупски "Болонья"га 2018 йилнинг ёзида "Рома"дан 9 миллион евро эвазига ўтган эди. Бу вақт ичида у клуб сафида 247 та ўйин ўтказди. Тажрибали поляк кетма-кет етти мавсумдан бери жамоанинг асосий дарвозабони бўлиб келмоқда.
Жорий мавсумда Лукаш Скорупски "Болонья" сафида 32 ўйинда 11 марта ўз дарвозаси дахлсизлигини сақлаб қолди.













