"Бавария" ва "Аякс" скаутлари "Манчестер Сити" академиясининг иқтидорли футболчиси диққат билан кузатиб боришмоқда.

Таниқли инсайдер Фабрицио Романонинг айтишича, асосан ҳужумкор ярим ҳимоячи сифатида тўп тепадиган 17 ёшли инглиз Дивайн Мукаса Европанинг иккита топ-клуби эътиборини тортган, бироқ “Сити” умидли йигитнинг узоқ муддатли келажагини ўз жамоаси билан таъминлаш учун шартномасини узайтирмоқчи.

Дивайн Мукаса жорий мавсумда "Манчестер Сити"нинг U-18 ёшлари сафида барча мусобақаларда 31 та ўйинда майдонга тушиб, 17 та гол урди ва 24 та голли узатмани амалга оширди. Шунингдек, у худди шу ёш тоифасида Англия терма жамоаси сафида 5 та ўйин ўтказган.