“Бавария” ҳужумчиси Харри Кейн ЕЧЛ 1/4 финали доирасида Миланнинг “Интер” клубига (1:2) қарши ўйинда гол ура олмади ва жамоасини мағлубиятдан қутқара олмади.

Англиялик футболчи 26-дақиқада ҳисобни очиши мумкин эди, аммо яхши вазиятдан дарвоза тўсинига зарба берди.

Ҳаммаси бўлиб Кейн “нерадзуррилар” дарвозасига олти марта зарба беришга уринди, аммо гол ура олмади.

Статистика мутахассислари футболчининг учта аниқ гол уриш имкониятини ўтказиб юборганини ҳисоблашди.

"Бундай ҳолатлар тез-тез содир бўлмайди, лекин бу ҳужумчининг ҳаёти, баъзида шундай бўлиб туради. Кўтарилиш ва пасайишларни қабул қилиш керак - ҳар бир футболчи шу билан яшайди.

Менда яхши вазиятлар бўлгани яхши.

"Боруссия"га қарши ўйинга ҳам худди шундай ишонч билан чиқаман ва умид қиламанки, ўз номимни таблога ёздириб қўяман", - дейди Кейн.