Европа чемпионлар лигаси чорак финалининг дастлабки ўйинлари бўлиб ўтмоқда, Миланнинг "Интер" клуби Мюнхенда "Бавария"ни 2:1 ҳисобида мағлуб этди. Бу замонавий футбол учун ҳақиқатан ҳам кам учрайдиган воқеа эди.
Гап шундаки, Италия клублари 14 йилдан буён Мюнхенда Чемпионлар лигасида ғалаба қозона олмаётганди. Охирги марта ҳам "Интер" шундай қилганди ва бу 2011 йилда бўлганди - 3:2. Шундан сўнг, Италия клублари Мюнхенда қаторасига еттита ўйинда мағлубиятга учради. Мана, ниҳоят, омад яна Симоне Индзаги жамоасига кулиб боқди.













