"Наполи"дан ижарага олинган "Галатасарой" форварди Виктор Осимхен яқинлашиб келаётган трансферлар даврида арзонлаштирилган нархда сотиб юборилиши мумкин.
Нигериялик футболчига "Ювентус," "Манчестер Юнайтед" ва бошқа Европа грандлари, шунингдек, Саудия Арабистони чемпионати вакиллари қизиқиш билдирмоқда. ESPN хабарига кўра, келаси ёзда форвардни тахминан 64 млн еврога харид қилиш мумкин бўлади.
Виктор Осимхеннинг "Наполи" билан шартномаси келаси йилнинг ярмигача мўлжалланган. Жорий мавсумда 26 ёшли футболчи Туркиянинг "Галатасарой" клуби сафида 32 та ўйинда майдонга тушиб, 28 та гол ва 6 та голли узатмага муаллифлик қилган.
