Дортмунднинг "Боруссия" клуби бош мураббийи Нико Ковач "Барселона" вингери Ламин Ямал ҳақидаги саволга жавоб қайтарди.

Жамоалар ўртасидаги учрашув Чемпионлар Лигаси 1/4 финал босқичи доирасида чоршанба куни бўлиб ўтади. "Асаларилар"нинг сафардаги жанги олдидан журналистлар Ковачдан "кўк-анорранглилар"нинг 17 ёшли юлдузи ҳақида гапириб беришни сўрашди.

"Ямал ҳақида бошқа мураббийлар ва экспертлар ҳали айтмаган нималарни айта оламан? "Барселона"да улғайган ва фаолиятини ажойиб бошлаган ажойиб ёш футболчи. Биз уни зарарсизлантиришга ҳаракат қиламиз," - деди дортмундликлар устози матбуот анжуманида.