2023 йилнинг августида Погбанинг дунёси остин-устун бўлди. А Сериянинг “Удинезе”га қарши ўйинидан сўнг, франциялик ярим ҳимоячида тақиқланган стероид гормони аниқланди.
31 ёшли футболчи Италия антидопинг трибуналида бўлиб ўтадиган тингловгача ўйиндан вақтинча четлаштирилди. Погба яқинда GQ France нашрига берган интервьюсида вазият ҳақида гапирди.
"Агар мен тўрт йиллик дисквалификация қилинганимда, нафақага чиққан бўлардим. Буни омма олдида айтишни истамасдим, лекин мен шундай ўйладим", - деб тан олди Погба.
Унинг дисквалификацияси 4 йилдан 18 ойга қисқартирилгач, Погба яна ўйнашга рухсат олди.
