Қанот ҳужумчиси Винисиус Жуниор ва “Реал” янги шартнома борасида музокаралар олиб боришмоқда. Бразилиялик футболчининг амалдаги шартномаси 2027 йилнинг ўрталарида якунига етади.
Саудия Арабистони клублари 24 ёшли футболчига қизиқиш билдиришди ва Мадриднинг “Реал” клуби форвардни тарк этиш васвасасига тушиб қолмаслиги учун у билан янги шартнома имзолаш ниятида. Cadena SER хабарига кўра, томонлар шартномани узайтириш бўйича музокараларда муваффақиятга эришган.
Айни дамда футболчи Саудия Арабистони клубларидан бирига ўтиш билан боғлиқ вариантларни жиддий кўриб чиқмаяпти. Transfermarkt порталига кўра, Винисиус Жуниорнинг трансфер қиймати 200 миллион еврони ташкил қилади.
