Криштиану Роналду сўнгги йилларда оғир кунларни бошдан кечираётган "Валенсия" хўжайинлари рўйхатига қўшилиш ниятида экани ҳақида хабар берган эдик.
Бир қатор испан нашрлари, жумладан, нуфузли Marca нашри хабар беришича, Роналду аллақачон бу борада музокараларни бошлаб юборган. Клуб хўжайини Питер Лим яқинда сотувдан 400 миллион евро олишни исташини айтди.
Роналду учун қироллик доиралари кўмагида бу бутунлай ҳамёнбоп сумма. Қизиғи шундаки, Ла Лига қоидаларига кўра, Роналду ҳозирда клуб эгасига айланиши мумкин, у футболчилик фаолиятини якунлаши шарт эмас.
