Krishtianu Ronaldu so‘nggi yillarda og‘ir kunlarni boshdan kechirayotgan "Valensiya" xo‘jayinlari ro‘yxatiga qo‘shilish niyatida ekani haqida xabar bergan edik.

Bir qator ispan nashrlari, jumladan, nufuzli Marca nashri xabar berishicha, Ronaldu allaqachon bu borada muzokaralarni boshlab yuborgan. Klub xo‘jayini Piter Lim yaqinda sotuvdan 400 million yevro olishni istashini aytdi.

Ronaldu uchun qirollik doiralari ko‘magida bu butunlay hamyonbop summa. Qizig‘i shundaki, La Liga qoidalariga ko‘ra, Ronaldu hozirda klub egasiga aylanishi mumkin, u futbolchilik faoliyatini yakunlashi shart emas.