Франциянинг "Лион" жамоаси ярим ҳимоячиси Неманья Матич ҳозирги Англия Премьер-лигасида Жозе Моуриньо етишмаслигини таъкидламоқда.
"Моуриньо қаерга бормасин, газета сарлавҳаларига кўтарилади. Футбол усиз илгаригидек эмас. Жозе у ерда бўлганида Премьер-лига яхшироқ эди. Ҳозир Англия лигасига у жуда керак, қайсидир клуб у билан шартнома тузиши лозим. Моуриньо кассани тўлдиради," - деди Матич The Athletic нашрида.
Ўз вақтида Жозе Моуриньо Англияда "Челси" (икки бор), "Манчестер Юнайтед" ва "Тоттенхэм" жамоаларини бошқарган. Ҳозирда 62 ёшли португалиялик мутахассис Туркиянинг "Фенербахче" жамоасига мураббийлик қилмоқда.













