Дортмунднинг "Боруссия" клуби сардори Эмре Жан Чемпионлар лигаси доирасида "Барселона"дан учралган мағлубиятдан сўнг жамоадошларига қаттиқ норозилик билдирди.

1/4 финалнинг илк ўйинида 4:0 ҳисобида ғалаба қозонган каталонияликларга "Боруссия" қаршилик кўрсата олмади. Ўйиндан сўнг Жан немис клуби футболчиларининг ҳаракатларидан норозилигини билдирди. У муаммо ўйин тактикасида эмас, балки футболчиларнинг ўз ишига муносабатида эканлигини тушунтирди.

"Гап тизимда эмас, аксинча, ҳамма 100 фоиз ўз кучларини беришга ва бу ўйинларда зарур бўлган қурбонликларни қилишга тайёрмас. Жуда кўп нарса нотўғри кетди. Бугун яхши ўйнамадик. Биз юмшоқ эдик. Етарлича бирлаша олмадик. Бунинг устига, оддий хатоларга йўл қўйдик.

Бу даражада бундай хатолар қаттиқ жазоланади. Шунинг учун бугун биз жазоландик. Биз "Барселона"нинг ажойиб жамоасига қарши ўйнадик, унда яхши футболчилар борлиги аниқ. Шундай экан, уларни мағлуб этишнинг ягона йўли – майдонга жамоа бўлиб чиқиш, аммо биз буни қила олмадик" - деди Жан.

Эслатиб ўтамиз, иккинчи бўлим давомида “Боруссия” ўзининг собиқ ҳужумчиси Роберт Левандовскидан иккита гол ўтказиб юборди. Бу дубль ҳужумчига Чемпионлар лигасида тарихий муваффақиятга эришиш имконини берди.