"Фенербахче" бош мураббийи Жозе Моуриньо Филип Костичнинг ҳаракатларидан мамнун. Португалиялик мутахассис клубдан 32 ёшли сербияликни "Ювентус"дан сотиб олишни сўраган. Бу ҳақда Италия ва Туркиядаги манбаларга таяниб, TodoFichajes хабар берди.
Сентябрь ойи ўрталаридан бери Костич "Фенербахче"да ижара асосида ўйнамоқда. Туркия жамоаси сафида чап қанот ҳужумида ҳам ҳимоясида ҳам ўйнашга қодир футболчи 29 та расмий ўйинда майдонга тушиб, иккита гол урган ва шерикларига еттита голли узатмани амалга оширган.
"Фенербахче" Филипп Костични яқин ёзда "Ювентус"дан тахминан 4-5 миллион еврога сотиб олиши мумкин.
