"Ливерпуль" "Барселона" ярим ҳимоячиси Фермин Лопесга қизиқиш билдирмоқда.
21 ёшли футболчи Ханс-Дитер Флик жамоасининг асосий таркибидан доимий ўрин олмаган, шу боис у жамоадан кетиш ҳақида ўйламоқда. Transfer News Live нашрининг El Nacional нашрига таяниб хабар беришича, испаниялик футболчини "Ливерпуль" ўз сафига қўшиб олишга тайёр. Англия гранди хавбекни 50 млн еврога баҳоламоқда.
Шунингдек, Фермин Лопесга Мадриднинг "Атлетико," "Астон Вилла," "Ньюкасл" ва "Манчестер Юнайтед" клублари ҳам қизиқиш билдирмоқда. Transfermarkt портали талқинига кўра, футболчининг нархи роппа-роса 50 млн еврони ташкил этади.
Лопес жорий мавсум "Барселона" сафида 34 та ўйинда 5 та гол ва 8 та голли узатмага муаллифлик қилган.
