"Барселона" вингери Ламин Ямал тез орада жамоада янги рақам олиши мумкин.
Айни дамда 17 ёшли футболчи 19-рақамда ҳаракат қилмоқда, бироқ янги мавсум бошидан у 10-рақамга эга бўлиши мумкин, дея хабар бермоқда журналист Тони Хуанмарти. Маълумотларга қараганда, Ансу Фати келаси ёзда клубни тарк этади.
Маълумки, Ламин Ямал жорий мавсум старти арафасидаёқ Каталония грандининг янги "ўнлиги"га айланиши мумкин эди, бироқ Фатини ҳурмат қилиб, ундан воз кечди.
Эслатиб ўтамиз, бундан аввалроқ "Барселона" тарихидаги энг яхши тўпурар Лионель Месси ўнинчи рақам остида ҳаракат қилган эди.
