"Копенгаген"нинг мексикалик ҳимоячиси Даниядан ҳайдалиши мумкин.
Хабар қилинишича, Родриго Уэскас тезлик чегараси 50 км/соат бўлган кўчада 111 км/соат тезликда ҳаракатланаётган эди.
Футболчи ҳайдовчилик гувоҳномасидан айрилишдан ташқари, 20 кунлик қамоқ жазосига маҳкум этилиши мумкин.
Клуб спорт директори Сун Смит-Нилсен футболчининг хатти-ҳаракатларини номақбул деб атади ва у омма олдида кечирим сўради.
Копенгаген полицияси Уэскаснинг депортация қилинишини сўраб судга ариза топширилганини айтди. Буни прокурор кўриб чиқмоқда.
21 ёшли ҳимоячи жорий мавсумда “Копенгаген” сафига келиб қўшилди ва Дания чемпионатида 12 та ўйинда майдонга тушди.
