Англиянинг “Ливерпуль” клуби бош мураббийи Арне Слот бугун, 11 апрель куни шартномаси узайтирилган ҳужумчи Муҳаммад Салоҳ ҳақида гапирди.
"У ҳар доим футболчи сифатида баҳоланган ва буни қилиш керак. Лекин мен уни инсон сифатида ҳам кўраман, у камтар инсон, у доимо ишлашни хоҳлайди. Ҳар доим кўп куч сарфлайди. У шу даражада қолишни истайди.
Уни майдонда ўзига хос қиладиган жиҳати шундаки, Муҳаммад энг яхши дақиқаларда бўлмаса ҳам гол ура олади, у руҳий жиҳатдан жуда кучли", - дея Слот сўзларини келтиради Sky Sports.
