"Ливерпул"нинг 32 ёшли ҳужумчиси Муҳаммад Салоҳ шартномасини 2027 йилгача узайтирганидан сўнг ҳафтасига 400 минг фунт маош олишни бошлади. Унинг олдинги меҳнат шартномасига кўра мисрлик футболчи ҳафтасига 350 минг фунт маош олган.
Манбага кўра, Салоҳ айни дамда Англия Премьер-лигасининг энг кўп маош олувчи иккинчи футболчиси бўлиб турибди, у жорий мавсум якунида "Сити"ни тарк этадиган "Манчестер Сити" ярим ҳимоячиси Кевин Де Брюйне билан бир хил маош олади. Премьер-лиганинг энг кўп маош олувчи футболчиси Де Брюйненинг жамоадоши, норвегиялик ҳужумчи Эрлинг Холанд бўлиб, унинг маоши ҳафтасига 500 минг фунтни ташкил қилади.
Салоҳ жорий мавсумда барча турнирларда 45 та ўйин ўтказиб, 32 та гол урди ва 22 та голли узатмани амалга оширди.
