"Милан" дарвозабони Майк Меньян Италия чемпионатининг 32-туридан ўрин олган "Удинезе"га қарши ўйинни якунлай олмади. Иккинчи бўлим бошида дарвозабон жарима майдончаси ташқарисида тўпни боши билан қайтармоқчи бўлди ва жамоадоши Алехандро Хименес билан тўқнашиб кетди.
29 ёшли француз ҳушини йўқотиб, майдонга қулаб тушди. Клуб шифокорлари футболчига биринчи тиббий ёрдам кўрсатишди. Дарвозабон майдонни фақатгина замбилда тарк эта олди. Футболчи касалхонага ётқизилган.
Дарвозабон алмаштирилгач, миланликлар яна иккита гол урди ва 4:0 ҳисобида ғалаба қозонди.
