"Бавария" ярим ҳимоячиси Йозуа Киммих журналистлар билан Томас Мюллернинг клубдан кетиши ҳақида суҳбатлашди.
35 ёшли ҳужумчи мавсум якунлангач, мюнхенликлар сафини тарк этади. Бундеслига гранди раҳбарияти юлдузли фахрийнинг тугаётган шартномасини узайтирмасликка қарор қилди.
"Аслида ҳаммаси қандай бўлганини фақат Томаснинг ўзи тасвирлаб бера олади. Биз бу ҳақда бир неча бор гаплашдик, аммо ҳозир бирор нарса ҳақида фикр билдириш қийин. Биз унинг ҳали ҳам жамоада эканлигидан хурсандмиз, чунки у майдонда ҳам, ундан ташқарида ҳам фойда келтира олиши аниқ. Томас билан ўн йилдан бери бирга ўйнаяпмиз ва бу ажойиб эди, деб айта оламан", - деди Киммих.
