"Bavariya" yarim himoyachisi Yozua Kimmix jurnalistlar bilan Tomas Myullerning klubdan ketishi haqida suhbatlashdi.
35 yoshli hujumchi mavsum yakunlangach, myunxenliklar safini tark etadi. Bundesliga grandi rahbariyati yulduzli faxriyning tugayotgan shartnomasini uzaytirmaslikka qaror qildi.
"Aslida hammasi qanday bo‘lganini faqat Tomasning o‘zi tasvirlab bera oladi. Biz bu haqda bir necha bor gaplashdik, ammo hozir biror narsa haqida fikr bildirish qiyin. Biz uning hali ham jamoada ekanligidan xursandmiz, chunki u maydonda ham, undan tashqarida ham foyda keltira olishi aniq. Tomas bilan o‘n yildan beri birga o‘ynayapmiz va bu ajoyib edi, deb ayta olaman", - dedi Kimmix.













