Sky Sport журналисти Флориан Плеттенбергнинг фикрича, "Бавария"нинг ҳужумкор ярим ҳимоячиси Томас Мюллернинг келажаги очиқлигича қолмоқда.
Олдинроқ, немис футболчиси мавсум якунида мюнхенликлар клубини тарк этишини маълум қилганди. Манбага кўра, 35 ёшли футболчи Италиядан жуда яхши таклифлар олган, бироқ воқеаларнинг энг катта эҳтимол билан ривожланиши Мюллернинг МЛСга ўтиши ёки фаолиятини якунлашидир.
Қайд этилишича, унинг "Альянц Арена"даги хайрлашув учрашуви санаси ҳозирча белгиланмаган.
Мюллер - "Бавария" тарбияланувчиси. У клубда 25 йил ўтказди. Жорий мавсумда футболчи 37 учрашувда 6 та гол урди ва 5 та голли узатмани амалга оширди.
