Москванинг “ЦСКА” клуби ҳужумкор ярим ҳимоячиси Аббосбек Файзуллаев ёзги трансфер ойнасида Россия Премьер Лигасини тарк этиши мумкин.
Манбага кўра, 21 ёшли футболчига Испания клублари томонидан қизиқиш билдириляпти. Шунингдек, Франция жамоалари ҳам ҳали-ҳануз Файзуллаевнинг ўйинларини диққат билан кузатиб бораётгани айтилмоқда.
Аввалроқ Аббосбекнинг “Бенфика”га трансфери амалга ошмагани ҳақида хабарлар тарқалган эди. Шунингдек, ўзбекистонлик вингерга Туркиянинг “Галатасарой” ва Германиянинг “Бавария” клубларидан таклиф бўлганлиги айтилган эди.
Жорий мавсумда Файзуллаев РПЛ ва Россия Кубоги доирасида жами 29 та ўйинда майдонга тушиб, 3 та гол урди ва 7 та голли узатмага муаллифлик қилди.
