"Манчестер Юнайтед" бош мураббийи Рубен Аморим "Ньюкасл"га қарши ўйинда дарвозабон Алтай Байиндирнинг асосий таркибга киритилгани ҳақида ўз фикрлари билан ўртоқлашди.
"Байиндир асосий таркибда бўлиш имкониятига лойиқ, у анча яхши ўйнайди. Кубокда яхши ўйнади. У клубимиз сафида барча турнирларда иштирок этган, энди Премьер-лигада ўйнаш вақти келди", дейди Аморим.
Жорий мавсумда туркиялик 26 ёшли дарвозабон барча турнирларда олтита ўйин ўтказиб, саккизта гол ўтказиб юборди ва икки марта ўз дарвозаси даҳлсизлигини сақлаб қолишга муваффақ бўлди.
