"Ливерпуль" ёзги трансферлар ойнасида ҳужумчи позициясини кучайтириш вариантларини ўрганишда давом этмоқда.

"Қизиллар"нинг устувор мақсадларидан бири Александр Исак ҳисобланган, бироқ "Ньюкасл" томонидан ўрнатилган улкан нарх туфайли шведни ўз сафига қўшиб олиш жуда қийин бўлади. Дарвоқе, "Ливерпуль" муқобил вариант сифатида Франкфуртнинг "Айнтрахт" клубидан Уго Экитикени топди. Инглиз ОАВ маълумотларига кўра, сўнгги вақтларда мерсисайдликларнинг 22 ёшли французга бўлган қизиқиши "Ньюкасл"нинг Исакни қўйиб юборишни истамаслиги билан боғлиқ.

Уго Экитикенинг transfermarkt порталидаги нархи 55 млн еврога баҳоланмоқда. Жорий мавсумда форвард "Айнтрахт" сафида 42 та учрашувда 21 та гол ва тўққизта ассистни ўз ҳисобига ёздириб қўйди.