"Liverpul" yozgi transferlar oynasida hujumchi pozisiyasini kuchaytirish variantlarini o‘rganishda davom etmoqda.
"Qizillar"ning ustuvor maqsadlaridan biri Aleksandr Isak hisoblangan, biroq "Nyukasl" tomonidan o‘rnatilgan ulkan narx tufayli shvedni o‘z safiga qo‘shib olish juda qiyin bo‘ladi. Darvoqe, "Liverpul" muqobil variant sifatida Frankfurtning "Ayntraxt" klubidan Ugo Ekitikeni topdi. Ingliz OAV ma’lumotlariga ko‘ra, so‘nggi vaqtlarda mersisaydliklarning 22 yoshli fransuzga bo‘lgan qiziqishi "Nyukasl"ning Isakni qo‘yib yuborishni istamasligi bilan bog‘liq.
Ugo Ekitikening transfermarkt portalidagi narxi 55 mln yevroga baholanmoqda. Joriy mavsumda forvard "Ayntraxt" safida 42 ta uchrashuvda 21 ta gol va to‘qqizta assistni o‘z hisobiga yozdirib qo‘ydi.
