Мюнхеннинг "Бавария" клуби дарвозабони Мануэль Нойер Чемпионлар лигаси доирасидаги "Интер"га қарши ўйинда жамоасига ёрдам бера олмайди. Бу ҳақда журналист Флориан Плеттенберг хабар бермоқда.
Манбага кўра, дарвозабон мушак толаси узилганидан кейин индивидуал дастур асосида шуғулланишда давом этмоқда. Эҳтимол, Нойер Германия чемпионатининг навбатдаги турида "Хайденхайм"га қарши ўйинни ҳам ўтказиб юборади, дея қайд этди манба.
Бу мавсумда 39 ёшли Нойер барча мусобақаларда 33 та ўйинда майдонга тушиб, 26 та гол ўтказиб юборди ва 18 марта ўз дарвозасини дахлсиз қолдиришга муваффақ бўлди.
