Myunxenning "Bavariya" klubi darvozaboni Manuel Noyer Chempionlar ligasi doirasidagi "Inter"ga qarshi o‘yinda jamoasiga yordam bera olmaydi. Bu haqda jurnalist Florian Plettenberg xabar bermoqda.
Manbaga ko‘ra, darvozabon mushak tolasi uzilganidan keyin individual dastur asosida shug‘ullanishda davom etmoqda. Ehtimol, Noyer Germaniya chempionatining navbatdagi turida "Xaydenxaym"ga qarshi o‘yinni ham o‘tkazib yuboradi, deya qayd etdi manba.
Bu mavsumda 39 yoshli Noyer barcha musobaqalarda 33 ta o‘yinda maydonga tushib, 26 ta gol o‘tkazib yubordi va 18 marta o‘z darvozasini daxlsiz qoldirishga muvaffaq bo‘ldi.
