"Манчестер Юнайтед"нинг собиқ футболчиси, тақиқланган дориларни қабул қилгани учун дисквалификация қилинган Пол Погба фаолиятини давом эттиришнинг турли вариантларини кўриб чиқмоқда. Бу ҳақда инсайдер Флориан Плеттенберг ижтимоий тармоқ орқали хабар бермоқда.

Манбага кўра, франциялик ярим ҳимоячи Испания, Франция ва Германия чемпионатларида ўйнашга тайёр. Бундан ташқари, Полни Саудия Арабистони ва МЛС ўзига жалб қилади. Погбанинг майдонга қайтиши 2025/2026 йилги мавсумда кутилмоқда.

Эслатиб ўтамиз, франциялик футболчининг сўнгги иш жойи Туриннинг "Ювентус" клуби бўлган. Ярим ҳимоячи ҳозирда эркин агент ҳисобланади.