КОНКАКАФ раҳбари жаҳон чемпионатини 64 та жамоага кенгайтиришга қарши чиқди.
Аввалроқ КОНМEБОЛ (Жанубий Америка Футбол Конфедерацияси) президенти Алехандро Домингес 2030-йилда жаҳон чемпионати иштирокчилари сонини 64 та жамоага етказишни таклиф қилган эди.
2026 йилги жаҳон чемпионатида 48 та жамоа иштирок етади.
“КОНКАКАФда биз аёллар ўртасидаги жаҳон чемпионатини кенгайтириш ҳамда Конфедерациямизнинг эркаклар ва аёллар терма жамоалари ҳамда клублар фаолиятини давом эттиришни қўллаб-қувватлаш орқали ўзгаришларга очиқ эканлигимизни кўрсатдик.
Аммо эркаклар ўртасидаги жаҳон чемпионатини 64 та жамоагача кенгайтириш турнирнинг ўзи ва миллий терма жамоалардан тортиб клуб мусобақалари, чемпионатлар ва футболчиларгача бўлган кенгроқ футбол экотизимига нисбатан тўғри ҳаракат деб ўйламайман”, — деди КОНКАКАФ президенти Виктор Монталиани.
