"Интер" ярим ҳимоячиси Генрих Мхитарян бугун Чемпионлар лигаси 1/4 финал жавоб ўйинида доирасида "Бавария" жамоасига қарши бўлиб ўтадиган ўйин ҳақидаги фикрлари билан ўртоқлашди.
"Нерадзуррилар" ўтган сешанба куни "Альянц Арена"да 2:1 ҳисобида ғалаба қозонишди.
"Эҳтимол, баъзиларимиз учун бу ярим финал ёки финалда ўйнаш учун охирги имкониятдир. Бу ажойиб имконият, лекин ҳозирча биз фақат "Бавария"га қарши ўйин ҳақида ўйлаяпмиз, бу жуда қийин бўлади. Мураббийимиз бу жамоани қуриш учун тўрт йил вақт сарфлади. Биз бу муҳитни яратишга ёрдам бердик ва худди шу мақсадларга интилдик. Энди финалга чиқишга ҳаракат қиламиз" - деди Мхитарян УЕФА расмий сайтига.
