"Реал"нинг собиқ ҳужумчиси Яқин Шарқ клублари эътиборини тортди.

Журналист Николо Шкиранинг хабар беришича, сўнгги кунларда Лука Йовичга Саудия Арабистони, Қатар ва БААнинг бир қанча клублари мурожаат қилишган. Улар ёзда уни эркин агент сифатида олишни ўйлашмоқда.

Қайд этиш керакки, 27 ёшли сербиялик форварднинг “Милан” билан амалдаги шартномаси жорий мавсум охиригача амал қилади, бироқ “россонерилар” раҳбарияти унинг сўнгги ўйинлардаги ўйинини инобатга олган ҳолда, яқин орада уни узайтириши мумкин.

Лука Йович жорий мавсумда Италия чемпионатида “Милан” сафида 10 та ўйин ўтказиб, 2 та гол урди.