Чемпионлар лигаси нимчорак финалининг жавоб ўйинида Дортмунднинг “Боруссия”сига мағлуб бўлган “Барселона” 4 январь куни бошланган сериясига чек қўйди.
Каталонияликлар бу учрашувга мағлубиятсиз 24 ўйинлик серия билан яқинлашишди. Улар охирги марта ўтган йилнинг 21 декабрида Ла Лигада "Атлетико"га (1:2) мағлуб бўлганди.
Жамоа бош мураббийи Ханс-Дитер Флик мағлубиятсиз сериясининг давомийлиги бўйича "Барселона"нинг энг яхши 3 нафар мураббийлари қаторига кира олмади. У Франк Райкард билан тўртинчи ўринни бўлишиб турибди. Кучли учликдан Хосеп Гвардиола (мағлубиятсиз 28 ўйин), Эрнесто Вальверде (29) ва Луис Энрике (39) жой олган.
