"Милан" рахбарияти ҳужумчи Эл-Шаарави трансфери сотуви амалга ошса, шу маблағ эвазига "ПСЖ" ҳимоячиси Тиаго Силвани сотиб олмоқчи, дея хабар бермоқда SportMediaset.
"Россонерилар" ҳужумчи трансфери орқали 40 миллион евро ишламоқчилар. Ушбу маблағ Силвани ҳарид қилиш учун етарли бўлиши мумкин. Аммо бу йўлда яна муаммолар бор, гранд "Барселона" билан курашиш ва устига-устак Силвага йилига 7,5 миллион евро маош тўлаш.
Эслатиб ўтамиз, Эл-Шааравига "Манчестер Сити" ва "Наполи" қизиқмоқда.
Айтиш жоиз, Тиаго Силва "ПСЖ"га "Милан"нинг ўзидан 2012 йил ёзида 45 миллион евро эвазига ўтганди. Агар Карло Анчелотти охир-оқибат "Реал" бош мураббийлигини қўлига олса, Силва ҳам Парижни тарк этиши мумкин.