Испаниянинг Relevo нашри хабарига кўра, Карло Анчелотти кейинги мавсумда ўз ўрнини сақлаб қолишдан кўра, "Реал"ни тарк этишга яқинроқ эканини тушуниб турибди.
Ҳозирча италиялик мутахассиснинг КЎЖЧ-2025да жамоани бошқариши ёки бошқармаслиги номаълум, аммо "қаймоқранглилар" на Қирол кубоги ва на Ла Лигада ғалаба қозона олмаса, у дарҳол истеъфога чиқарилиши мумкин.
Бироқ, раҳбарият ушбу турнирнинг молиявий ва спорт аҳамиятини ҳисобга олган ҳолда, ушбу масала бўйича қарор қабул қилишни мусобақа якунига қадар кечиктириши мумкин.
