"Барселона" ҳужумчиси Ансу Фати қишки трансфер ойнасида "Бешиктош"га кўчиб ўтиши мумкин эди.
Каталония гранди 22 ёшли футболчини ижарага қўйиб юборишга тайёр эди, чунки у бош мураббий Ханс-Дитер Фликнинг режаларига кирмаган. Ҳужумчига Европанинг турли чемпионатлари клублари, жумладан, "Бешиктош" ҳам даъвогарлик қилган, аммо трансфер амалга ошмаган.
"Январь ойида "Барселона" билан Фати бўйича келишувга эришдик. У бизга ўтмоқчи эди, аммо Европа Лигасидан чиқиб кетганимиздан кейин бизга қўнғироқ қилишди ва у келмаслигини айтишди," - дея "Бешиктош" президенти Сердал Адаланинг сўзларини келтиради Barca Universal.
