Англия терма жамоаси ва "Манчестер Юнайтед"нинг собиқ футболчиси Рио Фердинанд "қизил иблислар"нинг Европа Лигаси чорак финалидан ўрин олган Франциянинг "Лион" клубига қарши жавоб ўйинидан сўнг ҳиссиётлари билан ўртоқлашди. Манкунианликлар қўшимча таймда 5:4 ҳисобида ғалаба қозониб, мўъжизавий камбэкни амалга оширди.
"Бунақасини кўрмаганман. Айрим мухлислар 2:4 ҳисобида "Олд Траффорд"ни тарк эта бошлади. Ўшанда "МЮ"га фақат мўъжиза ёрдам беришини айтганман. Бу мўъжиза эди. Ақл бовар қилмайди," - дея инглиз футболи афсонасининг сўзларини келтиради RMC Sport.
"Манчестер Юнайтед" икки ўйин натижасига кўра "Лион"ни мағлуб этиб, Европа Лигаси ярим финалига йўл олди.
