"Реал Мадрид" Чемпионлар лигасини тарк этганидан сўнг, Карло Анчелоттига босим кучайди. Клуб апрель ойи охирида, Испания кубоги финалидан сўнг италиялик билан хайрлашиши мумкинлиги ҳақида хабарлар бор.
Relevo хабарига кўра, Анчелоттининг ўзи "Реал Мадрид" шунчаки бош мураббийни алмаштириш билан яхшиланмаслигига ишонмоқда. Мутахассиснинг фикрича, клубда фақат мураббийлар штабидаги ўзгаришлар эмас, кенг қамровли ислоҳот керак.
Қайд этилишича, Анчелотти истеъфога чиқишни режалаштирмаган. Италиялик мураббий мавсумни якунлаб, кейин раҳбарият билан музокаралар олиб бормоқчи.
