Маркус Тюрам жароҳати сабаб "Интер"нинг бўлажак ўйинларини ўтказиб юбориши мумкин.
Милан клуби ҳужумчининг ўнг сонининг қўшимча мушакларида муаммо борлигини тасдиқлади. Футболчи аввалроқ клуб базасида тиббий кўрикдан ўтган, энди унинг аҳволи ҳар куни назорат қилинади.
Франциялик футболчи якшанба куни А Серияда "Болонья"га қарши ўйинни ўтказиб юборади. Унинг ўрнини Марко Арнаутович эгаллаши кутилмоқда.
Тюрам чоршанба куни Италия кубоги ярим финалида "Милан"га қарши жавоб ўйинини ҳам ўтказиб юбориши мумкин.
Тахминларга кўра, футболчи 26 апрель куни "Рома"га қарши А Серия ўйинига ёки 30 апрель куни "Барселона"га қарши Чемпионлар Лигаси ярим финалининг биринчи ўйинига қайтиши мумкин.
