Лионель Месси Аргентина ва Мексика терма жамоаларини таққосламасликка чақирди.
"Улар ўзларини биз билан аслида мавжуд бўлмаган рақобат позициясига қўйишди. Аргентина ва Мексикани таққослаш бефойда ва буларнинг барчаси қаердан пайдо бўлганини тушунмаяпман.
Мексикаликларга нима бўлганини, бу адоват, бу ғазаб қаердан пайдо бўлганини билмайман. Мен ҳар доим мексикаликларнинг муҳаббатини ҳис қилганман, ҳеч қачон ҳеч кимни ҳақорат қилмаганман," - деди Лионел Месси Simply Fútbol YouTube каналига.
Шунингдек, аргентиналик футболчи 2022 йилги жаҳон чемпионатида айнан Мексика дарвозасига урилган гол у учун ўша турнирдаги энг ҳиссиётли гол бўлганини тан олди.
"Мухлислар туфайли эмас - асло. Бу жуда катта енгиллик лаҳзаси эди. У бизга хотиржамлик ва аввалги ҳолатимизга қайтиш ва яна фақат ўзимизга ишонишимизга ишонч берди," - деди Месси.
