Чемпионлар лигасининг ярим финалида тўқнаш келадиган жамоалар аниқ бўлди. Бу босқичда қуйидаги жуфтликлар ўйнайди: "Арсенал" — "ПСЖ", "Барселона" — "Интер".

Football Meets Data платформаси Telecomasia.net нашрига таянган ҳолда, УЕФА томонидан жорий мавсумда Чемпионлар лигасида клубларга тўланган маблағлар бўйича ҳозирги пайтгача бўлган даромадларни ҳисоблаб чиқди.

Ҳозирча энг кўп даромад топган жамоа — "ПСЖ" — 119,4 миллион евро. Иккинчи ўринда "Интер" — 118,1 миллион евро, учинчи ўринда "Арсенал" — 117 миллион евро, тўртинчи ўринда эса "Барселона" — 116,6 миллион евро.

Шунингдек, "Бавария" — 105,9 миллион евро, Дортмунднинг "Боруссия" клуби — 102,2 миллион евро ва Мадриднинг "Реал" жамоаси — 101,8 миллион евро ишлаб топган.

Манба таъкидлашича, бу расмий ҳисоб-китоб эмас — маълумотлар очиқ манбалар асосида тайёрланган. Мавсум якунлангач, УЕФА одатда расмий даромадлар рейтинги эълон қилади.

1. ПСЖ (Франция)                    – 119,4 млн евро  
2. Интер (Италия)                  – 118,1 млн евро  
3. Арсенал (Англия)                – 117,0 млн евро  
4. Барселона (Испания)            – 116,6 млн евро  
5. Бавария (Германия)             – 105,9 млн евро  
6. Боруссия Дортмунд (Германия)   – 102,2 млн евро  
7. Реал Мадрид (Испания)          – 101,8 млн евро  
8. Байер Леверкузен (Германия)    – 98,1 млн евро  
9. Атлетико Мадрид (Испания)      – 87,7 млн евро  
10. Астон Вилла (Англия)          – 84,9 млн евро  
11. Лилль (Франция)                – 83,7 млн евро  
12. Манчестер Сити (Англия)       – 74,0 млн евро  
13. Бенфика (Португалия)          – 71,4 млн евро  
14. Аталанта (Италия)             – 67,1 млн евро  
15. Ювентус (Италия)              – 66,4 млн евро  
16. ПСВ Эйндховен (Нидерландия)   – 64,6 млн евро  
17. Фейеноорд (Нидерландия)       – 63,0 млн евро  
18. Милан (Италия)                – 61,4 млн евро  
19. Брюгге (Бельгия)              – 59,1 млн евро  
20. Монако (Франция)              – 58,1 млн евро