"Арсенал" бош мураббийи Микель Артетанинг фикрича, Лондон клуби ҳозирги босқичда юқори савияли футболчиларни харид қилишга қодир. 16-апрель, чоршанба куни “канонирлар” чорак финал босқичида “Реал”ни Чемпионлар лигасидан чиқариб юборишди.
"Ҳар сафар биз футболчилар билан гаплашсак, улар клубимизнинг бир қисми бўлишни хоҳлашади. Бу "Реал"га қарши ғалаба "Арсенал"га янада ишонч бағишлайди. Мен бундай оқшомларнинг бир қисми бўлишни хоҳлайман. Клубимиз ҳозир яхши ҳолатда. Умуман олганда, биз тайёрмиз, "Арсенал" кучли ва ҳар қандай футболчини ўзига жалб қила олади", - дейди Артета.
"Арсенал" Чемпионлар лигаси ярим финалида "ПСЖ"га қарши майдонга тушади. Биринчи ўйин 29-апрель куни, жавоб ўйини 7-май куни бўлиб ўтади.
