Мадриднинг "Атлетико" клуби бош мураббийи Диего Симеоне жамоаси жорий мавсумда чемпионлик учун кураша олмаслигини тан олди.
Шанба куни "матрасчилар" сафарда "Лас-Пальмас"га имкониятни бой бериб қўйди (0:1).
"Ҳозир чемпионлик пойгаси ҳақида ўйламаяпман. Мени бошқа нарсалар ташвишлантиради - уларнинг кўпини сиз ҳатто тасаввур ҳам қилолмайсиз. Агар чемпион бўлиш учун озгина бўлса-да имкониятимиз бўлса, ўзимизни мукаммал даражада кўрсатишимиз керак эди. Бугун биз мукаммал эмасдик," - деди Симеоне ўйиндан кейин берган интервьюсида.
