"Байер" бош мураббийи Хаби Алонсо тез орада "Реал"ни бошқариши мумкин.
Бироз олдинроқ маълум бўлишича, Карло Анчелотти мавсум охиригача "қаймоқранглилар" бошқарувидан кетади. Унинг ўрнига асосий номзод Алонсо ҳисобланади - бу маълумотни инсайдер Флориан Плеттенберг ҳам тасдиқламоқда. Унинг маълумотига кўра, "Байер" испаниялик мутахассиснинг агенти "Реал" билан музокаралар олиб бораётганидан хабардор, аммо барибир мураббийни кейинги йилгача сақлаб қолмоқчи. Агар мураббий барибир Мадридга кўчиб ўтишга қарор қилса, "доришунослар" "қироллик клуби"дан 15-20 млн евро атрофида товон пули талаб қилади.
Қайд этилишича, "Байер"да Хаби Алонсонинг ўрнини эгаллаши мумкин бўлган мураббий қидирилмоқда.
