"Bayer" bosh murabbiyi Xabi Alonso tez orada "Real"ni boshqarishi mumkin.
Biroz oldinroq ma’lum bo‘lishicha, Karlo Anchelotti mavsum oxirigacha "qaymoqranglilar" boshqaruvidan ketadi. Uning o‘rniga asosiy nomzod Alonso hisoblanadi - bu ma’lumotni insayder Florian Plettenberg ham tasdiqlamoqda. Uning ma’lumotiga ko‘ra, "Bayer" ispaniyalik mutaxassisning agenti "Real" bilan muzokaralar olib borayotganidan xabardor, ammo baribir murabbiyni keyingi yilgacha saqlab qolmoqchi. Agar murabbiy baribir Madridga ko‘chib o‘tishga qaror qilsa, "dorishunoslar" "qirollik klubi"dan 15-20 mln yevro atrofida tovon puli talab qiladi.
Qayd etilishicha, "Bayer"da Xabi Alonsoning o‘rnini egallashi mumkin bo‘lgan murabbiy qidirilmoqda.
