"Манчестер Юнайтед"дан ижарага олинган "Бетис" вингери Антони мураббий Эрик тен Хаг ҳақида фикр билдирди.

Бразилиялик Амстердамнинг "Аякс" ва ўша "Манчестер Юнайтед" клубларида нидерландиялик мураббий қўл остида тўп тепган. Октябрь ойида тен Хаг "қизил иблислар" томонидан бош мураббийликдан бўшатилди, январь ойида эса Антони ижарага берилди.

"Мен тен Хагдан жуда миннатдорман. У Нидерландияда ҳам, Англияда ҳам менга катта ёрдам берди, гарчи ["Манчестер Юнайтед"да] мен истаганимча имкониятга эга бўлмаган бўлсам-да. Лекин бу мураббийнинг танлови, ундан хафа эмасман. Аксинча, ҳамкорликда ишлагани, мен билан суҳбатлашгани учун ундан миннатдорман. Шак-шубҳасиз, у менинг шаклланишимда муҳим роль ўйнади," - дея Антонининг сўзларини келтиради журналист Фабрицио Романо.