Нидерландиялик ярим ҳимоячи Хави Симонс ёзги трансфер ойнасида ҳозирги жамоаси Германиянинг "РБ Лейпциг" клубини тарк этиши мумкин. Бу ҳақда Инсайдер Фабрицио Романо ижтимоий тармоқлар орқали хабар бермоқда.
Манбага кўра, ярим ҳимоячи "Барселона"га қайтиш ниятида. Бироқ, Симонснинг "блауграна"га трансфери келаси ёзда амалга ошиши даргумон. Хавида фаолиятини Англия чемпионатида ҳам давом эттириш имкониятлари бор.
"РБ Лейпциг" ўз навбатида футболчи учун 75 миллион евро таклиф қилса, у билан хайрлашишга тайёр.
Жорий мавсумда Хави 29 та учрашувда иштирок этиб, 10 та гол урди ва 6 та голли узатмани амалга оширди.
