"Ал-Ҳилол" янги мураббий қидирмоқда. Саудия клуби номзодлардан бирини АПЛдан топди.
Николо Скиранинг ёзишича, уларни "Фулхэм" бош мураббийи Марку Силва қизиқтириб қолган. Португалиялик мутахассис келаси мавсумдаёқ "Ал-Ҳилол"ни бошқариши мумкин.
Силва 2021 йилнинг июлидан бери лондонликларни бошқариб келмоқда. Томонлар ўртасидаги шартнома 2026 йилгача мўлжалланган.
Ҳозирда "Ал-Ҳилол"ни Жорже Жезуш бошқармоқда. Унинг келишуви икки ойдан кейин тугайди. Португалияликнинг номзоди Бразилия терма жамоаси бош мураббийи лавозимига биринчилардан бўлиб қўйилган.
"Фулхэм" АПЛда тўққизинчи, "Ал-Ҳилол" Саудия Арабистони чемпионатида иккинчи ўринда бормоқда.
