"Арсенал" "Ньюкасл"нинг бразилиялик хавбеки Бруно Гимараешни ёзги трансферлар учун нишон сифатида кўрмоқда. Бу ҳақда Football Insider ёзмоқда.
"Канонирлар" шу мавсум охирида шартномаси якунланадиган Томас Парти ва Жоржиньо билан хайрлашишни режалаштирмоқда. Лондонликлар "жаҳон даражасидаги" ярим ҳимоячини ўз сафига қўшиб олишни режалаштираётгани айтилмоқда. "Арсенал" боссларининг фикрича, бу Деклан Райснинг ривожланишига ёрдам беради. Номзодлар орасида "Реал Соседад"дан Мартин Субименди ҳам бор.
Бруно Гимараэс 2022 йилда "Ньюкасл"га ўтганди. Transfermarkt маълумотига кўра, "қарғалар" трансфер учун 42 млн евродан кўпроқ пул тўлаган. Жорий мавсумда бразилиялик футболчи инглиз жамоаси сафида 41 та ўйин ўтказди. Уларда "гол+пас" тизими бўйича "4+8" натижа қайд этди.
