"Ливерпул"нинг ўнг қанот ҳимоячиси Трент Александер-Арнолд "Лестер" устидан қозонилган ғалабадан сўнг (1:0) журналистлар билан суҳбатлашди.
Айнан Трент "қизиллар" сафида 76-дақиқада гол уриб, меҳмонда ғалаба келтирди. Ўйиндан сўнг журналистлар футболчининг шартномаси июль ойида тугашини ҳисобга олиб, унга келажаги ҳақида яна бир савол беришди.
"Мен бутун мавсум давомида шуни айтаман: ўз вазиятим ҳақида гапирмайман, тафсилотларга тўхталиб ўтмайман. Гол уриш, совринлар ютиш - бу ўзига хос нарса, мен бу жараённинг бир қисми бўлганимдан хурсандман" - Трент Александр-Арнолд.
Унинг "Ливерпул"ни тарк этиши ва "Реал"га эркин агент сифатида қўшилиши ҳақида кўп миш-мишлар тарқалмоқда.
